..
عندما يتجاوز الخوف ذلك الشعور المقبض ..
عندما يكون يتجاوز كياننا ليشمل نطاق أوسع لا نملك الحق في حمياته ..
عندما يكون يقين ننتظره من لحظة لأخرى ..
عندما تكون أقصى أمانينا ألا يأتي ذاك المستقبل ..
عندما يحمل الأمل طعم مرارة العجز ..
عندها يكون للخوف معنى أخر ..
31 comments:
عندما يصبح التنبؤ بالغد قاسي
عندما نجد أن كل مخاوف المستقبل تحقق
عندما تزيد قدرتنا على رؤية لواقع والمستقبل لحد الرعب
عندما نتمنى الا نفهم أو نفكرأو نتمنى أو نأمل حتى لا تصدق مخاوفنا
عندها نشعر أن هناك معنى اخر
*هذه مجرد توافق خاطرة معك ، لقد ذكرنى الكلام الرائع الذى كتبته بجملة سمعهتا من حد قريبا تثبت صحة وجهة نظرك
ومع بعض الخواطر لدى
حمدا لله على سلامتك .. أولا
ثانيا .. كلمات جميلة أرى أنك جعلتها عامة .. فانطبقت على أحوال الكثير .. بل ربما انطبقت على حال بعض الشعوب .. كشعبنا
أعانك الله
عندما يحمل الأمل طعم مرارة العجز
عندها أنزل حاجتك بربك
جزاك الله خيرا كل عام وأنت بخير
ربنا يحميك
كان نفسي تحط الاسميل اللي بيبص لفوق وتحت ده
بس عامة المستقبل هيجي هيجي يبقى ليه الخوف منه ؟؟؟
هعيش دلوقتى في خوف ولو حصل اللى انا خايف منه هزعل تانى
يبقى خليها مرة واحده لما يحصل وسيبنا من اى حاجه قبله
دايما بتعجبنى اوى كلمات الاغنية ديه
النور مكانه في القلوب
احضن خيوط شمس الغروب
يا تكون أد الحياة يتعيش وحيد
وسط الدروب
اليأس ضعف وخوف جبان
لكن الأمل مفتاح ببان
يا تكون أد الحياة يتعيش وحيد
وسط الدروب
المس خضار الشجر حس بضياء القمر
انقش قلوب علي الحجر علي شيء ماتندمشي
يالا قوام عدي امشي الطريق امشي
العمر إيه يرويه غير قلب مايخافشي
فيه ناس كتير ترضي المصير
وناس تشوف بضمير ضرير
يا تكون أد الحياة يا تعيش وحيد وسط الدروب
حلي مرارة الأيام لسه الحياة قدام
قوم لون الأحلام وأوعي ماتضحكشي
لسه في قلبه الروح تداوي كل جروح
بالسر أوعي تبوح وإياك متحلمشي
علا:
شئ ممل أني أكون علي صواب طول الوقت ..
أهو كل يوم بيثبتك صحة كلامي وبتعترفي أن كان عندي حق
المعرفه والفهم عبء فوق صدور العقلاء ..عشان كدا الانسان بعد عمره ما بيرجع زي ما كان قبل ..
إلا في شئ واحد ممكن..عشان كدا بيبقى الأمل
حمداً لله علي سلامتك يا علا
وضاح : الله يسلمك
الكلمات خاصة ويدرك مدى خصوصيتها من يملك مفتحها ويراها تلمع بين الحبر علي ..السطور
عصفور المدينة :
وأياكم
وكل عام وأنت بخير
!!!!!!!!!!!!!!!!!!!!!!!!!!!!!!!:
يارب
:D
يبنتي أكتبي أسمك بدل العلامات دي
ضحكاية:
قوليلي بيتحط أزي وأنا أحطة .. بس ليه؟؟
ليه الخوف .. لان الخوف غير الخوف المعروف دا مش خوف الموت ولا خوف الرعب ..دا خوف من نوع أخر
في ناس بتخاف وتسلم وفي ناس بتخاف وتندم
في خوف يقعد ويشلل وفي خوف يحرك ويحفز .. في خوف يموت وفي خوف يمنحك حياة جديدة
الأغنية اللي كتبيها جميله ودي تنفع للي خوفهم خوف جبن
للي خوفهم خوف الأموات عشان يرموا جنبهم ويقوموا من قبورهم ويعيشوا
ولكن في الأخر هيفضل صباح الأحياء لا يوقظ الموتى ولا يرحم الجفون الكليلة ..
وكل سنة وأنتي طيبة :)
جميل اوى الكلام ده
بجد حلو
متألق دائما
ردك على ردى به شئ من الصحة
وعلى الرغم كل شئ واتفاقى مع وجهة نظرك الواقعية ..الا أننى مازال عندى أمل وحلم وتفاؤل ولن استطيع أن اعيش دونهما
هافضل احلو ولا صابت ياخابت ..يعنى هنخسر اكثر من اللى خسرنااه
كل عام انتم بخير و تقبل الله طاعتكم
الكلمات جميلة و لكنها غاضبة نوعا ما
آمل أن نستطيع أن نفرغ الخوف من معناه مثلما نفرغ باقي الكلمات من معانيها بسهولة
كل سنة وانت طيب
:)
من المدونات اللي بحس اني عاجزة ارد على تدويناتها مدونتك بجد
لانها بتلمس حاجة فيا بجد
عجبني جدا انك اتكلمت عن الخوف المحمود
مش خوف عجز او تكاسل
بس يمكن اختلافنا في جرعة الخوف
كل سنة وانت طيب يا محمد
ومتغيبش عننا كتير
جميل جدا اليأس دا
سياف :
شكراً يا جميل
اول مره يعجبك حاجة بتكتبها :D
علا:
مش شئ من الصحة هو صح 100%
يا علا الاحلام بتاعتك سوبر فنتزي اوي
ممكن تخسري اكتر من اللي خسرتية لو خستي الحلام والأمل اللي علي شئ من الواقعية :)
dreamer:
وأنت بخير
مين قال انها غاضبة .. خالص
او أن الخوف مكنش في مكانة او معناه
بس هو في هو بيكون ليه معاني اخري كتير لا يدرك المعاني دي
بريك:
وأنتي طيبة يا دكتور :D
سلميلي علي الناس المختفيه وقوللهم كل سنة وأنتي وهما طيبين وبخير
:)
عبير:
شكراً ليكي يا عبير ..يسعدي رايك
هو مش خوف تكاسل او جبن .. بس يمكن خوف من العجز
وانتي طيبة يا دكتور :)
صاصا:
يأس مين ياعم الحاج .. بالنسبة ليا هو تمسك بالأمل دا
أى أى أى .. لا بجد الكلمتين دول جوايا ونفسى مش بس اقولهم لأ .. انا بتمنى لو انى اعرف اروح صحرا كدة ولا حاجة واحاول اطلع كل الخوف والمشاعر دى من جوايا وادفنها فى الرمل وارجع من غيرها
يااااااااااه احساس صعب بجد .. الله المستعان
كل سنة وانت طيب
:)))
كل سنة وحضرتك طيب , كلامك جميل وواقعى , وحاليا اعتقد ان معظمنا فى سننا دا حاسس نوع الخوف دا اوووووووى
إنسانة :
وأنتي طيبة وبخير :)
ليه ندفن خوفنا أو نتخلص منه ..طيب ما أحنا نقضي علي أسباب الخوف دا نفسها
يعني بدل ما تعالج نتايج وأعراض نعالج السبب نفسه ولما يروح ..هيروح معاه القلق وكل حاجة .. بس دا صعب وطريقة طويل ..أو مش طويل انما وقته بيمر ببطء شديد وانتي بتسابقي الزمن نفسه
معاكي حق مش أحساس صعب بس لا دا قاتل
زي الهوا:
وانتي طيبة يا سماح
مش معظمنا .. يمكن اللي في ظروف مشابه :)
واضح ان المعنى وصلك كامل
ربنا ييسرلنا جميعاً
السلام عليكم ورحمة الله
سبحان الله بالرغم من انها تدوينة صغيرة بس تدخل القلب
حماك الله وسلمك من كل شر
لسه النهارده بتكلم انا و واحده صاحبتى على موضوع الخوف ده
خايفين من بكرة
عارفين انه هيبقى غير النهاىده
خايفين منه فعلا
خايفين نفقد ناس تانيه
خايفين احلامنا متتحققش
خايفين بكرة يكون اسوا من النهارده ..:(
بس ماتعرفش بردو، يمكن اللى خايفين منه ده يكون أحسن حاجة لينا لما يحصل.. مين يعرف!!!!
صعب الياس يعيش جوانا مش حنقدر نكمل المشوار ونحس بطعم المرار
نازك:
وعليكم السلام ورحمة الله وبركاته
ربنا يعزك..وشكراً علي التعليق والزيارة ..بس انتي ليه بتكتبي بوستاتوتمسحيها تاني؟
روز:
شفت البوست اللي هي كتبته وعلقت عليه
المهم ..متخفيش
سلمى:
هو أنتي معايا ولا معاهم:)
الله أعلم طبعاً وممكن يكون أسوء حاجة ممكن تحصل في حياتك ..مين يعرف
منورة يا سلمى:)
ولاء:
أهلاً بيكي في اول زيارة للبلوج
ممكن ميكن ياس ويكون امل بسبرضه أمل بطعم الألم
البلوج جميل اوى
والبوست كلماته بسيطه بس معناه كبير
انا دايما بحس بالخوف من كل حاجه
صحيح الخوف مش بيأثر بالسلب اوى ع حياتى
بس منكرش ان ف اوقات كتير بخاف
تحيياتى ليك
اوحش شعور لما سيطر الخوف على عالمك
اذاى يكون فى امل وعجز ف اّن واحد
لا يأس مع الحياة ولا حياة مع اليأس
التفائل والامل لازم يكون الى بيدفعه قوة مش ضعف والعجز دا قمه الضعف
اى انسان طبيعى ربنا حباة بأمكانيات كتير واهمها عقل وقلب وجسد
لابد ان يستثمر طاقته ويدعم امكأنياته بالامل والحب ويكونا دافعه للتقدم نحو الهدف
وطول ما فينا نفس ...يبقى فى امل وحتى لو بنغلط المهم نتعلم يبقى فى امل
المهم الايمان بالله والتوكل عليه ثم العزيمه والاصرار والنخطيط
المستقبل دا مش بأيدنا ولو فكرنا فيه كتير هنتعب احنا بنعمل الى علينا والباقى على رب الكون
وربنا بيحاسبنا على عملنا واتقاننا له وعلى النيه مش على النتيجه الى بتعتبر جزء من المستقبل
متفكرش ف المستقبل ويأخد من وقت اكتر مما يستحق ...ولكن عيش اللحظه ...فقد لا يأتى هذا المستقبل
ولا يوجد وقت للعيش بسعادة افضل من الان
يقول مطر
لي أمل خبأته للزمن العابس
أدعوه : هل أنت هنل
يجيبني : نعم هنا
لكنني يائس
و أقول
عندها
يجب أن نصنع أملا آخر
لا يعرف خوفا
بل يحمل يقين عزم
و عزم يقين
باختصار و حتى لا أطيل
أمل لا يلين
محمد
Selfmeaning:
معاك حق بس اهو ضيف تقيل لحد اما نتخلص منة ..
هبههههووب :
اهلاً بيكي في اول كمنت تحطية عندي ..
وانتي داخلةسخن اوي
العجز بيتمثل في الحاجز اللي بينا وبين الامل دا
فضفضة:
اهلاً بيك في اول زيارة لليك للبلوج
مرة واحدة قالتلي ..ممكن ليه لأ..بس حسيت في كلامها بعدم
الاقتناع او الحماسة
كلمك جميل لكن فيه خوف كتير وخوف من مستقبل ومن كل حاجه ربنا يعينك ويعنا
اولا كل سنه وانت طيب
ثانيا كذلك الخوف كأي شء اخر نسنتطيع ان نجد تعريفه كمان نراه وليس كمان يراه الاخرون
اسلوب مبدع
تحياتي
Post a Comment