مبنتعلمش ساعات الواحد يقصر في شئ أو مع حد ولما يضيع منه يقول هاخد بالي بعد كدا بس مبنتعلمش ..
كتير تلاقي حد زعلان أنه أتاخر في زيارة حد مريض ولقاه مات من غير ما يشوفه .. وتلاقيه يلوم نفسه ويقعد يقول ياااه أنا إيه اللي خلاني أأجل زيارته ليوم الجمعة مكنت رحت الخميس..
يعم ريح نفسك ربنا مش كاتبلك أنك تشوفه.. و خلي بالك بعد كدا أن أنت في أي لحظة ممكن تموت أو أي حد تاني يموت وترجع تقول كنت مقصر معاه دا أنا من ساعه مناسبة مش عارفة إيه مشفتوش ..
يعني المفروض الواحد على أد ما يقدر يسال على الناس اللي يعرفهم حتى اللي الحياة خدتهم بعيد وانشغلوا ..طبعاً شئ مستحيل أنه يحافظ على اتصال مع كل الناس ..بس على الأقل يحاول ولما تكون في فرصة تواصل ميضيعاهش ويتحجج بحاجة أو يكسل .
23 comments:
البقاء لله يا باشا
المشكلة يا محمد ان فعلا الحجج بتبقى واهية و ان السبب الرئيسى بيكون الكسل...تصدق انت فكرتنى بناس كتير عاوز اسأل عليهم و بنسى او بتناسى!!!
تعرف يا محمد
أنا بقى من النوع التانى اللى بيسأل كتير اوى على الناس
بس للاسف فى لحظات كتيرة اوى بحاول افتكر ان حد سأل عليا مش بلاقى حد عبرنى
ورغم ده برجع تانى وبسال عليهم يمكن احساس الوحدة عندى يخف
البقاء لله
اللهم أسكنه الجنة
عندك حق
بيبقي موقف وحش لأنك بتبقي عارف انك انت المقصر
و لو كنت رحت بدري كان ممكن تشوف الشخص ده
هو طبعا كله مقدر و بتاع ربنا
بس الواحد يعمل اللي عليه
مشكلتك يا محمد فعلا ظانك تتحدث عنا، تتحدث عنى وعنك وعن كثيرين آخرين
ربما لا نملك قلما كقلمك نصوغ به ما نشعر به ونفكر فيه، لذا ياتى الكلام فى مدونتك ولكنه حقيقة يرسم ملامح لكثير مما نشعر به ونعيشه
تدوينتك الماضية وتدوينك هذه نموذج لذلك
وطبعا المفروض أنا آخر واحد يعلق على هذه التدوينة، كونى غارق حتى النخاع فى التقصير مع الجميع فى الاتصال والتواصل.
ربنا يكرمك يا محمد ومش عارف الناس بتعزيك وبتقول لك البقاء لله، رغم ان التدوينة لم تخبر صراحة بوجود حالة وفاة
على أى حال عظم الله اجركم وغفر الله له ورحمه
سلام عليكم
بجد احيك على الكلام الموجز الى فى البوست انت جبت من الاخر
اننامحتاجين نرجع تانى متراحمين فيما بيننا
عارف الانسان بفطرته بيحب يدفى بالناس
وبالرغم من كده دايما بيشتكى من الوحده ماحولش يسال نفسه هو بيدى ولا بياخد
سعيده اوى انى دخلت مدونتك ومعرفتك
خالص تحياتى
السلام عليكم
الواحد اصلا بيقعد ساعات يشوف ايه اللى مانعه عن انه يسال عن الناس مش بيلاقى عذر
وساعات فعلا الانسان يحس انه مشغول وهو في الاساس مش بيعمل حاجة
زمان فعلا مكناش كده
بس عندك حق والله يامحمد
ربنا يكرمك
وفعلا مبنتعلمش
ممكن ان احنا نقول
نعمل اللي علينا وبعدين منزعلش
نما نزعل على طول أبدا مينفعش
كلماتك جميله يا عمنا
وسعيد بمعرفتك ورؤيتك جدا
أقل حاجه أننا نسأل على بعض
والدي لما توفى كثيرين مازاروه عشان ماتوقعوا موته
الموت يأتي خارج عن التوقعات
تحيتي لك محمد
فعلا يا استاذى
كلامك كله صح
وياااامه الواحد ندم
وان شاء ندوم على صلة الرحم والسؤال على الاصحاب
محمد
أزيك
انا اتشرفت بمعرفتك جدا ...
و أرجو الا تزورنى و تنور المطرح المتواضع بتاعى ...
و الكلام اللى بتقوله دا ان بفكر فيه كتير قوى
حكاية الفرصة التانية ...
يعنى الواحد من كتر ما ضيع حاجات و فوت ناس كويسة فى حياته بقى بيرجع يندم على كدا و يتمنى لو كان يملك فرصة تانية يستعيد بها ما ضاع ...
بس انا طلعت شاطرة أهو و مضيعتش المناسبة الجميلة اللى اتجمعنا فيها كلنا و اتعرفت على الناس الحلوة اللى سيادتك منهم ...
تحياتى يا أستاذ
يوووه
كتبت غلط " الا " دى
أحذفها ذهنيا و انت بتقرى و النبى
نعيد تااانى
أتمنى ان تزورنى قريبا ...
بس كدا
eza 7atena fe dema3'na en ay 7ad ben7bo momken yero7 menna fe la7za...aw enna asln mmkn nmot mn 3'e r ma n3ml 7aga aw ne2ol 7aga 3ayzenha
kona begad ba2ena 7elwen awe !
ya3ni lazem net3alm...law ma et3lmnash..yeb2a manestahlsh enna ne3esh !
حسيت بنفس الاحساس بعد الحادثة
بس الحمد لله اتعلمت من الدرس دا كتير
اوى و بدات اطبق
و لو ان برده فى حاجات لسه
باجلها بدون سبب
او نكسل
انا مشكلتى الاساسية
الكسل
هو فى حد مات ولا ايه؟
عشان اول رد البقاء لله !
ونعم بالله .. ربنا يرحمة
ربنا يكرمك ..
عمرو .. سيف ..
ربنا يكرمكم
محمد .. سيبك من الحجج كل واحد عارف هو بيعمل ايه ..
مي..
خليكي علي كدا .. طالما قادرة تدي يبقبى كويس المهم متفقديش القدرة دي سواء لقيت مقابل او ملقتيهوش .. ومتزعليش لو ملقتهوش خالص
جعلي..
منورني ولو انك متأخر زي عادتك :)
سمسمة: وعليكم السلام
الناس اللي اختفت في ظروف غامضة ورجعت تسأل تاني ..
ماجدولين :
واضح اننا بقينا نتكلم عن الوقت كتير .. سواء كان طريقتة او وقته :)
بينجو : أهلاً بيكي في المدونة :)
أنت مش سلبي:
المهم التفيذ مش الكلام
شيماء .. دكتور حر .. فطيما
بجد سعيد بمعرفتكم
:)كان يوم جميل
Selfmeaningٍ :
بجد تعليقك اسعدني .. حمداً لله علي سلامتك
الواحد نظرتة بتختلف وخصوصاً لما يلاقي حاجة من سؤال الأخرين عليه واهتمامهم بيه :)
خلي بالك من نفسك بقى
بريك :
دا أخو جدي
وئام :
المهم اننا نحاول منسبش كل حاجة للظروف
Post a Comment