بعد أي موقف أو كلمة ..هل كلمة " أسف " كفاية عشان تصلح اللي حصل ؟؟؟يعني أكيد مش هتساوي أن حد يكون مضايق ولو لثانية واحدة وبالذات لو الشخص دا ليه معزة خاصة عندك ..
هي فعلاً مش هتصلح حاجة سواء كان موقف كبير أو صغير ..النتيجة واحدة وهي أنك ضايقته ونكدت عليه حتى لو كان دا بدون قصد ..
ساعتها كلمة " أسف " مش هتفيد بحاجة ولكن لازم تقولها طالما كنت تعنيها فعلاُ
وتتمنى أن الطرف التاني يقبلها يمكن دا يخفف بعض من ضغط الموقف عليك ..
وأهم من دا أن الطرف التاني يبقى كويس فعلاً
ساعتها ممكن تبداء تحس بالراحة ..ويبقى الأعتذار بيعبر عن مدى أهمية الشخص دا بالنسبة ليك أكتر منه أسف علي موقف أو معني غير مقصود ..
29 comments:
الجارحى
مبحبش نوع الهزار ده
احنا واصلنا اوف لاين من محمد
بعد كتابتك الرد ده
ب تلت ساعة !
___________
محمد
البوست راااائع بجد
:
)
ولد يا جارحى
وقعت قلبى الصبح ورنيت على موبايله لقيته مفتووح
ربنا يهديك مطرح مانت مبطوط...
وكمان هوا الراجل ناقص مش كفاية من سنتين اللى حصله :D
سفاح كرموز
لو سمحت طب اتصل بيه لحد مايرد عليك
احنا كنا لسا بندور على طريقه نوصله بيها
و ياريت الرد بسرعة
هدوا اعصابكم يا جماعة..
أنا حي أرزق
دى واحدة كانت بتهزر هزار رخم وسخيف
كلمة اسف لو اتقالت بتحسسك قد ايه انت مهم عند الشخص ده وخايف على زعلك لكن ساعات الالم بيكون اكبر من كلمة اسف
محمد
اسف
مش عارف على ايه
بس اسف و خلاص :)
الريس بسلام يا جماعة
:D
حمدلله على السلامة
كلمه اسف متكفنيش
يا فرحتى انا لما اتجرح وحد ييجى يقولى اسفه
سعات فى ناس مش تستحق اساسا كلمه اسف
لانها مش تعرف معناها
تحياتى بوست جميل
عارف...
فيه انسانه لو قالتلى اسفه ...عقلى هيفكر تفكيرين...نقبل الاسف ....واكيد صادقه...
والتفكير التانى ماهو دى مش اول مرة تقولى اسفه ...ايه اللى يضمنلى؟؟؟
بس ساعات بيبقى ليها مفعول...بس فيه ناس تانية كبريائها بيمنعها عن الاعتذار
اتبسطت انى شفتك النهاردة....رغم انك كنت منفضلى ;)
السلام عليكم
بجد انا مش عارف اقول ايه .. لكن
السخيف او السخيفة اللى عملت كده وكتبت التعليق باسمي .. يعنى مش عارف ادعي عليه ولا اقول ايه
لان واضح ان دى مش اول مرة تحصل
لكن .. انا اصلا مش بعلق فى مدونات حد .. ولو هكتب تعليق هيبقى من خلال اسمى اللى متسجل على بلوجر وفقط
وبعدين اصلا الساعة 8.10 الصبح دى بكون فى التحرير بركب علشان رايح الشغل .. واكيد مش هدخل من اللاب ولا من الموبايل علشان اقول كلام سخيف زى ده
عامة اللى كتب التعليق ده هدعى عليه بليل كده .. علشان الدعوة تكون واصلة على طول ويتسلق وعده بقه هو / هى اللى جابه لنفسه
مش بهرج انا هعمل كده فعلا
موضوع جميل جدا بس انا بلنشبه ليه اني كلمه اسف تييج من حد غلط او جرح متعملشي حاجه او معني اصح ملهاش اي قيمه لاني في حاجات كتير ممكن تكسر ومتنفعشي اني هي تصلح بكلمه واحده وهي اسف
طب ويعدين ده بقي تعتمد علي الشخص اللي أنت غلطت في حقه..في ناس كوبايتها بتفضي بسرعة وبالتالي لما تعتذر لهم هيسامحوك علطول وفعلاً يحسوا بعد الاعتذار بالراحة
لكن علي النقيض في ناس كوبايتها بتفضي ببطء شديد.. بس ده مش عيب أوي لإنهم في الوقت نفسه كوبايتهم بتتمليء ببطء ..يعني مش هيزعلوا غير لما تحصل حاجة كبيرة ..وقتها لازم تدرك طبيعته وتعرف انه ممكن يحتاج بعض الوقت بعد الاعتذار عشان يرجعوا كويسين
يعني في جزء كبير من عملية الاعتذار بتعتم علي الاخر
بدون سفسطة..قصدي أن الاعتذار شيء كويس والانسان المحترم بس هو اللي بيقدر يعتذر لما يغلط
:)
إيمان
كلمة اسف دايما بتيجى فى الوقت الضائع
ومابتفيدش فى شئ
تحياتى لك
فى حاجات مينفعش معها كلمة اسف
و مش اى حد بنقبل اعتذاره
بس ارجع و اقول مفيش احسن من انك تكون مسامح لكن بشرط عدم تكرار الغلط
والله يامحمد انا مع كلمة آسفة اوي
حتي لو كان مستحيل نقبلها
حتي لو مع لحظة الفراق ....واحد قالي انا آسف اني سبتك او جرحتك
حقبلها
تصدق انا مع آسف حتي لو بالكدب ما الواد عمار في الرايحةوالجاية يلطشنى بالألم ويتف علي ويقولي ياعبيطة ياهبلة ....واول ما امسكه عشان ازعقله يبصلي ويقولي أسف .....بسيبه يقوم ضربني وقايل ياعبيطة ياهبلة
انا بحترم آسف اوي
حتي لو كانت بالكدب
ليك تاج عندنا
السلام عليكم و رحمة الله و بركاتة
التدوينة دي جميلة
بس هي مشكلتها انها شوية بتعمق من روح عدمالتسامح
يعني اه الواحدى لو حد عمل معاه موقف هيزعل
بس لاننا بشر
و لاننا كلنا بنغلط
فلازم نسامح بعض
علشان نلاقي اللي يسامحنا
و دا بيعتمد علي مقدار الناس انها تسموا بعلاقتها فوق كل الصغائر اللي بتمر بيها
لان العلاقة هي اللي بتدوم و المواقف التافهة دي بتتنسي
حتي لو مش تافهة
بس دا مش مبرر ان طرف يستنطع علي طرق و يبلط في الاسائة
**********************************
تعليق هامشي كدا
انا سعيدة اوي اني قابلتك في حفلة المدونين و و بجد ربنا يكرمك :)
الاهم من الاسف
هو تقبل الطرف الاخر الاعتذار
واهم حاجة انه لو قبل الاسف ما يرجعش بعد كدة يقلب فى القديم
يعنى اللى يتقبل الاعتذار يفهم انه ماينفعش كل شوية يقعد يقول للطرف التانى انت عملت وسويت وهببت
يبقى خلاص صفحة واتقفلت ماتتفتحش تانى
وعموما الاسف مش دايما بيصلح الاخطاء
بس برضه هو لازم يكون فيه اعتذار مادام حصل شئ غلط
سلام يا محمد
اختك خيخة
كهكا كانت الجريمة اللى عاملها الشخص اللى ادامى مجرد مابسمع كلمة اسف منه بحس إن تركبية جسمى كلها اتغيرت وانها فعلا مسحوق قوى اوى بينظف اى الالام , لأ وكمان بيمحى اثارها
اول زياره
بس بوستك شدنى
بس انا شايف ان كلمة الاسف دى مهمه جدا
لان ساعات بنبقى مضطرين لحاجات اصحابنا مبيفهومهاش او مبنقدرش نقولهم عليها
ومنقدرش بعها الا نقولهم اسف
ولازم مادمنا اصحاب واحباب نلتمس العزر لبعض
تحياتى
علاء
مش كل حاجة تنفع معاها اسف
اسف دى ممكن تكون مجرد تقليد اجتماعى بيتقال لما حد يغلط
لكن اسف مش بالضرورة تكون= المسامحة
سودة اوى انا اصلى :ي
اسفين يا فندم على الاغياب الطويل
تحياتى
سلوى ..
دا لو أتقالت .. وتكون بصدق
سياف:
منور
سخسوختي:
الله يسلمك
أشاعات موغرضه :D
رشا:
ساعات بتساوي الدنيا باللي فيها
مصطفي:
يبقوا مش ناس ..معرفش هما ايه بس اكيد مش بشر زينا
او زي ما بنشوف نفسنا
سفاح:
انفضلك ايه ياعم وهو انا كنت واقف مع حد غيرك
بس كنت بلف لفة وارجع موقعي تحت المروحة
عمر:
روق
أسد:
بس مينفعش متتقالش برده
ايمان:
بتعتمد علي الأتنين لان مفيش حاجة بتكون من طرف واحد بس
رئيسة حزب الأحلام :
مهما أتاخرت فهي لازم معناها يوصل إن كان اللي بيقولها باقي علي التاني
قوس قزح:
على حسب الغلط بقي :)
فرفوشة:
بس دي يا سالي ملهاش معني كدب ياخدها صاحبها هو وكلمته ميلزمنيش
الستة :
هعدي اخده حاضر :)
شمس الدين :
وعليكم السلام ورحمة الله وبركاته
اهلاً بيكي في أول زيارة ورد ليكي علي المدونة :)
بالعكس انا اللي عايز الناس تحس معني الكلمة وتسامح
مش تدبح
نوران :
معاكي حق مش بيصلح ولا هيرجع حاجة ... بس نأمل انه يحسن اللي جاي بعدين
سماح:
المهم يمون مع الأنسان اللي يستحق فعلاً
عايش:
اهلاً بيك يعلاء
المهم بعد الكلمة نكون اصحاب
من غير تحفظ ولا حساسية
نرمين:
الباش ابوكاتو
حمداً لله علي السلامة ..
وربنا يوفقك في حياتك يا متر :)
لأول مرة قد أكون قاسية فى الرد عليك
بس أنا بقى بكره اللى بيقولى واسف هاتعملى ايه .. هاتصلح اللى انكسر ولا ايه
ماهو أكيد اللى كان عايز يضايقك مش هايقولك اسف
ثانيا هو ايه المقلب السخيف اللى اتعمل فيك وخض الكل كدة
بالنسبالى كلمة اسف بتداوى كل الجروح , زمان ماكنتش باستريح حتى بعد الكلمة دى , لكن لما بقيت باسمعها من طفل صغير فى سغلى يعنى , بقيت باحسها من قلبه اووووووى , ومن يومها بقت كلمة اسف من اى شخص ايا كان كبير او صغير , بتوئم اى جروح عندى وبتخلينى ارجع بالزمن لورا للموقف اللى قبل اللى زعلنى تماما
بيتهيالى اللى احسن من كلمة اسف انك تحس فعلا انك غلطان و تحاول فعلا تتجنب الموقف دا يحصل تانى
دا
و ساعتها هتكون فعلا كلمة انا اسف موثرة
Post a Comment