Friday, June 27, 2008

معجزتي..



جلست علي حافة سريري ممسكاً دفتري .. جالت عيناي في إرهاق بين خطوط ايامي المقبلة .. ما زلت أخطط واعيد الحسابات ..

كم مرهق ذلك التفكير بعد يوم نفذت فيه طاقتك عن أخرها ..

سقط دفتري من بين يدي أرضاً وتدلي القلم في أستسلام ..

جائت هي .. تناولت دفتري وقلبت صفحاته .. أزاحته جانباً إلي مكتبي مع الأورق التي كانت مبعثرة من حولي ..

أمسكت يدي مداعبة إيها : لما لا تريح نفسك .

أجبتها : ما زال الطرق أمامي طويلة غير ممهدة.

هي : تستطيع أن تشق طريقك الخاص ونمهدة سوياً.

تحاشيت النظر إلى عينيها : هل تتحملين صعوبة حالي إن ضاقت بنا الحياة.

مررت يدها علي شعر رأسي في حنان: يكفيني أتساع قلبك.. آلا يكفيك دفء قلبي؟؟

أرحت رأسي علي كتفها : لولا قلبك لما سلكت الطريق ..

أعتدلت جالساً .. اعتصرت قبضتي شعري متلمس موضع مرور أصبعها الرقيقة علي رأسي لتتساقط قطرات العرق منه في غزاره ..

خلعت عني قميصي القطني الرطب .. جففت به العرق البارد من علي صدري ووجهى ..
أنظر لفراغ الحجرة ثم ألقي بقميصي فوق دفتري الملقى أرضاً ..
واسقط بعدها في النوم من جديد ..



22 comments:

saiaf said...

حلو اوى الاسلوب ده


يا رب نلاقى واحدة كده تعد تلعب فى شعرنا

ههههههههه

Famy Qandil said...

السلام عليكم ورحمة الله وبركااته
بامانة الحوار حلو فعلا عجبنى

بس مين في الاخر (هى)!!!ه

ولا دى الهلوسة الى بتجى للواحد من كتر التعب

:P

تحياتى
:)

فاتيما said...

أنا متهيألى هى دى تبقى أحلامك
مش كدا ؟؟
و لا حاجة تانية
إعترف يا محمد
أنا أختك الكبيرة و هلم الموقف مش هقول لحد و مفيش مخلوق هيسمعنا غير كل اللى بيدخلو المدونة دى بس !!

Fahd said...

اسلوب جميل

هل هي امنية

ام حلم


ام واقع


صعب انه يكون واقع لانه لو كان كده كنت هتخاف من الحسد

زى الهوا said...

اسلوب جامد كالعادة , ومش صعب خالص الحلم دا , إن شاء الله فى يوم هيبقى حقيقة , حياة مثالية جميلة ,تعرف انى عجبتنى طموحاته اكتر من حبها ليه وقبولها على وضعه ايا كان (معاك معاك عليه عليك) , حبها ليه فعلا قواه وخلاها مليان طموح رغم انه متأكد انها متقبلاه باى وضع , بحييك على البوست

Amr said...

يمكن بكرة

مسـتنـية الفـرج said...

هو ده فيلم الحرمان ولا ايه
معلش معلش
احلام يقظة بس زيادة شوية
لكن تدل على غرقك في رومانسيتك الحالمة

دهاء سياسي said...

كنت جاية اسلم و اقول مبروك على اليوم السابع ولو انها متأخرة

بس خليت ابتسامة صافية ارتسمت على وجههى بالتدوينة دى .. و حتفضل اعتقد لفترة طويلة شوية منورة وشى :)

ربنا يكرمك و يرزقك كل خير يا رب :)

mohamed said...

سياف:
انت طبعاً عمرك ما هتلاقي الأبوشن دا مش موجود في الجنس بتاعكم المنغلق علي نفسه ..

mohamed said...

نازك:
وعليكم السلام ورحمة الله وبركاته

هي تبقي هي :D





فاتيما:
مممممممم
بتسألي ليه :P



فهد:
مش مهم كان ايه المهم أنه كان

mohamed said...

سماح:

كلمة مثالية كتير بتستخدمها عشان نصعب الامور على نفسنا

ولنفترض انها مثالية وفيها ايه؟؟
وليه منعشهاش

mohamed said...

عمرو:)
ممكن

mohamed said...

مستنية الفرج:

هي مش فرجت خلاص .. مش ناوية تغيري الأسم دا بقى :P
خليكي في حالك اليومين دول يا حاجة

mohamed said...

دهاء سياسي:
الله يبارك فيكي

على فكرة بسطني اوي تعليقك وأن حد ابتسم أبتسامة صافية بسبب البوست دا
:)

ربنا يعزك ويبارك فيكي

NeRmeeN said...

ازيك يا محمد

ايه يا محمد فونت -5 اللى انت كاتب بيه ده :ي
بجد مش قادرة....لاحظ ان فى ناس عمش

انا ماشية الباب منين يا محمد...طاخ

قلمي الحر said...

اهو أنا بطلت أدور على الدفتر الأزرق ، ونسيت مكان القلم...ومعتقدتش أنه بقى مش هى ممكن يجي يدور لى عليه

§a§a said...

ايه ياعم الرومانسيه دى

حلو الحوار والاسلوب

تحياتى

break said...

جميلة اوى

ربنا يحققهالك يارب

:)

رئـــــيسـة حزب الأحلام said...

بجد اسلوبك تحفه ورومانسى اوى
بس فى الاخر طلعت خيال
ربنا يسعدك

mohamed said...

نرمين:
معلش يا نرمين .. مهو كلام زي دا ميتقالش بخط كبير
:D
:))
أبقي خلي بالك المرة الجايا بقى :)



علا:
يا بنتي بالنسبة ليكي مش هيبقى في هي يبقى في هوا .. مش عارف أنتم أتعلمتم العربي فين :P



صاصا:
دي قمة التراجديا .. سيبك أنت المهم انك منورني دايماً

mohamed said...

بريك:
مرسي ..
وحمداً لله علي سلامتك :)



رئيسة حزب الأحلام :
أنتي جيتي علي سيرة الاحلام :))

منورة يا ريسة

Selfmeaning said...

كذا مرة اقولك يا محمد و انت نايم تقفل المروحة

:)