مش لازم الحاجة تضيع مننا عشان نحس بقيمتها ..
ممكن نحس بقيمتها وأهميتها بالنسبة لينا وهي لسه قدامنا ومعانا ..
المهم
ساعتها هنعمل إيه ؟
ممكن نحس بقيمتها وأهميتها بالنسبة لينا وهي لسه قدامنا ومعانا ..
المهم
ساعتها هنعمل إيه ؟
المشكلة لو كان الحاجة دي أخر حاجة .. أو الحاجة الوحيدة الكويسة اللي فاضلة ..
؟؟؟
؟؟؟
21 comments:
هممم :) الفكرة جميلة
بس هل فعلا فيه حاجة اسمها آخر حاجة كويسة !!
في نظري إن الخير كتير .. صحيح إنه مستويات (يعني حاجة كويسة وحاجة أحسن منها) لكن الخير موجود في كل مكان وزمان حتى في قلب الشر :)
نرجع للعبارة الأساسية .. واللى هي معضلة حقيقية .. لأن معناها إننا لازم نكون مثاليين في التعامل مع كل أو نقول معظم اللى حولنا (من أقرباء وأصدقاء) وده صعب جدا لأننا بشر .. قد نخطئ فيمن نحب وقد نغضب أو نتجاوز .. المهم أن نعود ونسامح أو نغفر إن كان الآخر هو المخطئ
هنعمل ايه ؟
سؤال محتاج لإجابة ، بس المشكلة ؟إن الإجابة أصلا مش موجودة
عارف ليه ؟ لإن الإنسان مش بيحس بقيمة الشئ غير لما يروح منه ، وليه هو كدا عشان هو إنسان مش ملاك ، احيانا تعود الإنسان على شئ يجعله يظن أن هذ الشئ ملكه ويستحقه إلي الأبد
ولا الكارثة الأكبر في أنك تكون مدرك قيمة الحاجة وبتحبها وعايزها ، والحاجة هى نفسها مش عايزاك ..زهقت من أنك عايزاها ، ساعتها هنبكي على إياهما
مها:
يمكن لأن الباقي راح فعلاً ..الخير عمله غير متداولة زوحتى مش موجودة إلا في المتاحف البشرية اللي بنستغربها لما نشوفها
العبارة الأساسية ..أحنا مش لازم نكون مثاليين الا مع اللي يستحق دا من حولينا .. أما الباقيين اما منتعاملش معاهم اصلاً او يكون التعامل باللي يستحقوه سواء بالحرق أو بالضرب بالنعال
..
أنتي رسمتي صورة تانية غير اللي كنت شايفها ..
سعيد بعودتك واثراء كلماتي بتعليقك
علا:
بالعكس الانسان بيكون حاسس بقيمته وهو موجود المهم انه يعمل حاجة يحافظ بيها علي وجوده في دايرته ميبعدش عنها
هممم .. مش موافقاك .. أنا شايفة إن الخير كتير .. وبأكد حتى في قلب الظلم والشر ..
ولو بقابل حد فيه الكويس وفيه الوحش -وكلنا لا يخلو من جانب سيء وآخر جيد- فأنا تلقائيا بتعامل مع الجانب الجيد وبتغاضى عن السيء
طبعا ده في الحالات العادية .. أما من غلب عنده الجانب السيء فتجاهله أسلم
:) ربما أعود للنقاش مرة أخرى
ممممممم
الكلام كبير
انت بتتكلم علي ناس ؟نمشيها ناس و لو مش ناس بدل كلمة ناس باي حاجة تانية
فيه ناس عادية كتير بتمر في حياتنا
و فيه ناس متميزيين بيمروا في حياتنا بس مش كتير زي الناس العادية
و فعلا الناس المتميزة دي لو حد ضاع منهم بتبقي خسارة كبيرة اوي اوي اوي لانهم علشان متميزين مش بيتكرروا
بس فيه ناس متميزيين تانيين بيظهروا في حياتنا , المهم اننا مش نحاول نقارن الناس ببعضها لان كل واحد متفرد بذاته ... و حاول تتأقلم
و انا معاك ان لو ناس مؤذية اساسا او معرفتها هتقلل البعد عنهم غنيمة
خالص التحية
بطل تشاؤم يا محمد ، مفيش حاجة اسمها آخر حاجة كويسة
دايما فيه حاجات كويسة حوالينا
المشكلة الحقيقية لما تكتشف ان الشخص اللى مشي قبل ما تعرف قيمته هو "ظهرك" .
وساعتها حتتعب شوية وتقوم تقول "لما الجبل وقع عليه ،قمت أنفض هدومى".
:)
مها:
طيب خيلنا في اللي عندهم جانب جيد بيطغى على بقيت الجوانب ..
دا اللي لازم نعرف قيمته وهو لسه معانا مش لما يسبنا ويبعد
في أنتظار عودتك مرة أخرى ..
شمس :
تمام كل واحد متفرد بذاته وكل واحد ليه قمتة ومكانتة الخاصة
يمنى:
انا مش مكتئب يا يمنى .. بس متقدريش تقولي للقلب ميحسش وميزعلش زي ما متقدريش تمنعي العين متدمعش ..
المشكلة انك تكوني عارفه قيمته اوي من زمان بس معبرتيش عن معرفتك دي بالشكل المناسب ..
"ظهرك" المشكلة أنه اكتر من كدا بكتير المشكله حتى مع رحيله برضه لو مش موجود في المكان فهو "ظهرك " اللي موجود جواك ..
سلام عليكم
ازيك يا محمد وكانك بتقرى افكارى لان الموضوع ده شاغلنى جدا ليه لما بيبقى فى ايدنا شئ كويس ينضيعه لاننا كسلنا نبذل مجهود فى الحفاظ عليه وتنميته
العلاقات بين الناس عامله زى الزرع محتاجه رعايه عشان تنمو وتكبر بس للاسف لعدم وجود شفافيه فى التعامل ولان مبدا الخوف من الاخر هو الى بيحكمنا احيانا بنفقد ناس كويسين اوى من حياتنا ده على المستوى الانسانى وعلى مستوى الاشياء فشكر النعمه المحافظه عليها ببذل الجهد
عموما حياتنا بكل ما فيها من مرارات الا انها مليانه خير . يكفينى لما ابتسم لطفل حتى ولو معرفوش وهو يضحك لى ويكفينى دعوه من حد قدمت له خدمه ويكفينى انى انصح حد وحتى لو كانت النصيحه دى هضر مصلحتى المهم ان الواحد يبقى صادق مع نفسه
فيه مقوله بتقول ان الناس ممكن يوجدوا مليون الف سبب عشان يكرهوا بعض وممكن بفترضوا مليون الف سبب عشان يحبو بعض
عشان كده مهم اوى ان الواحد يسال نفسه هو عايز يشوف الدنيا باى وجه الخير ولا الشر..الحب ولا الكره؟؟؟
عارف رغم ان بوستاتك بتبقى قصيره جدا بس بتعرف ازاى تحرك مشاعر الى قدامك ربنا يوفقك يا محمد ويكرمك
خالص تحياتى واسفه للاطاله
يااا لو كل الناس بتفكر بنفس الطريقة كان زمان مفيش جروح عند حد و كلنا تمام عارف كمان الاوحش من كده انك تحاول تخلى الشخص اللى انت هتفقده بأن فى مشكلة و انكم هتخسروا بعض و الطرف التانى و لا همه
ياريت الواحد يفكر فى اى خطوة قبل ما يخدها و يحس بالنعمة اللى فى ايده
فقدان الأشياء يذكر بقيمة أشياء اخرى موجودة
أما آخر حاجة كويسة فاضلة فده بيحصل أحيانا بشكل نسبي يعني آخر حاجة كويسة فاضلة من النوع الفلاني
معرفش
عادي ... بنندب حظنا ...
شيماء:
وعليكم السلام
معاكي حق إلى حد كبير
بس ممكن الأسباب اللي تختلف
Selfmeaning :
مش كل الناس بتفكر كدا
ولا ينفع نفكر كدا مع كل الناس
دا يكون مع الناس اللي تستاهل مننا دا وبس
منورة يا دكتور :))
عصفور المدينة :
معاك حق
بس الاحساس بالموجود مش هيرجع اللي راح
فرفوشة:
لا عارفه
ابتسم الاول:
لا دا تأمل
طيب كمل الكلمة لاخرها
قولى
منورة يا دكتورة
ممكن يكون الناس مبتفكرش كده
بس انا بفكر كده يعنى لما بخرج شخص
من حياتى
انا برضوا كل ما حلجه حلوة تضيع من ايدى
اقعد اقول هو انا محستش بقيمتها يعنى الا لما تروح
دى من اكبر عيوب البشر ..
او حاجه بتعلمنى انى بشر
مليون مرة يبقى معاى حاجه حلوة و اضيعها
و معرفش قيمتها الا بعد فوات الاوان
بس اخر مرة كانت حاجه حلوة اوى اوى اوى .. و ضاعت منى و عارفه انها مش هتتعوض
مع الوقت .. هتلاقى نفسك بتدى قيمه اخرى للأشياء
تبقى عارف ان لو الحاجه دى ضاعت هتزعل زى المرة اللى فاتت و يمكن اكتر
فبتحافظ على الحاجات دى اكتر
مممممممممم
بس مش عارفه ..
انت ساعات بتبقى عارف قيمه الشىء دى و بتحاول تحافظ عليه على قد ما تقدر
بس برضوا بيضيع منك ..
هو الموضوع طلع معقد كده ليه ..
طيب هو احنا ممكن نقرر اننا منزعلش على حاجه ضاعت مننا
هو احنا هنحاول نحافظ على اللى معانا دلوقتى ..
و لو شىء ضاع
لن نبكى على اللبن المسكوب
لا .. هنبقى على يقين ان المحلات فيها لبن تانى
يمكن مش نفس النوع
بس ممكن نجرب و نلاقى حاجه حلوة زى اللى ضاعت ..
هو انا رغيت كتير كدا ليه :$
Post a Comment