Sunday, September 21, 2008

بكلم نفسي






مش عارف إيه المشكلة في أني اكلم نفسي ،المهم أني لسه قادر أكلم ..

.حتى إن كان الكلام دا مش موجه لحد ..

أو موجه لحد مش هيسمعه
أو يسمعه بس من غير ما يسمعه
مش هي دي القضية

المهم أن الواحد يفضفض

حتى لو لنفسه وبس


.....

على الهامش : هو أنا فعلاً كنت بكلم نفسي؟؟

33 comments:

Selfmeaning said...

ههههههههههه

انت وصلت خلاص للحالة ديه

قوللتك فضفض معانا

او اتكلم فى بوجى عشان متوصلش لكده

لا بجد

كون انك تكلم نفسك مش عيب او فيه اى

حاجة انا عن نفسى بعمل كده بس من غير

ما اتكلم بطريقة فعليه

يعنى زى ما تقول مجنونة فى صمت

بس الاحسن تدور على صديق تثق فيه

عشان تفضفض معاه

و يقولك رايه

Anonymous said...

كنت بتقعد ساعات و تفكر كتير
وتسرح أكثر بكتير
و اقول يا ربى هو محمد بيحصله ايه
دلوقتى فهمت ان الكلام سر السرحان
اقصد كلامك مع نفسك
بس ليه خاصة وانت وسط عالم كبير شغال كلام على الفاضى و المليان
وانت من وسط كل دول مش لاقى حد تفضفضله
وانت مرتاح
........

فلسطينية الهوى said...

اهم حاجة انك تخرج االلي في نفسك

حتى لو كان لنفسك

آخر العنقود said...

بتحصل كتير ماتقلقش
:)
فى حاجات كتير ماحدش هيفهمها ولا يحسها غير نفسك
عشن هيا اكتر واحدة عارفاها
المهم فعلا انها تكون صريحة ومش بتخدع
ساعتها بقى كلم نفسك وولايهمك
تحياتى

saiaf said...

لا حول ولا قوة الا بالله


يا ابنى ارحمنا بقى


نفسى افهم منك حاجة :)


طيب و ليه تكلم نفسك


جربت مرة انت تخلى نفسك اللى تكلمك

جربها كده

Unknown said...

فضفض لربنا

فضفض لنفسك

احسن بكتيييييييييير مما تعرف حد سرك

او اقولك على طريقة اكبر الدكاترة النفسيين فى العالم

امسك ورقة وقلم وفضفض بيها زى مانت عايز وبعد ما تخلص قطع او احرق الورق ده

على فكرة انا مجرباها كتييييييييير جدا


وهيا فعلا مفيدة اوى

سلام عليكم
:)

دهاء سياسي said...

:)

بقالى فترة بادخل هنا و الاقى التدوينة الى فاتت لسه موجوده .. لدرجه انى قلقت على حضرتك :)

عارف موضوع الكلام مع النفس ده بعتبره شىء محورى فى حياتى اصلا .. بحس انى بحل مشاكل كتير جدا مع نفسى ممكن لو أجلت حلها لارض الواقع تحصل كارثه بمعنى كارثه

بحس ان الكلام مع النفس بيدي للواحد فرصه مضاعفه لانه يعالج كل شوية طريقه سيره فى الحياه ..

ممممم .. يمكن يبان انى بتفلسف شوية .. بس فعلا ده الى مؤمنه بيه اوى :)

زى ما انسانه قالت هنا : " فضفض لربنا

فضفض لنفسك

احسن بكتيييييييييير مما تعرف حد سرك "
و انا بقولك حترتاح كتيييييييييير

:)

only spot said...

سلام عليكم
جميل انك رجعت تمتعنا بتدويناتك الموجزه بس بتعرف تيجى على الجرح صح
عمر ما الواحد ماهيعرف يفضفض لاى حد لو مكنش اول حد بيفضفض ليه هو نفسه وعمره ماهيقدر يتواصل مع اى حد مادام فيه فجوه ومسافات بينه وبين نفسه واول خطوه للوصول للراحه هى انه يتكلم مع نفسه ويرضى عنها وده ممكن ميكنش من مره لا ده بيجى بعد خناقات كتير اوى مع اقرب حد لينا نفسنا ويمكن السبب اننا متعلمناش نبقى بيها رحماء ونحبها صح
ساعات بنتكلم فعلا كلام مع نفسنا مش بيتسمع عن اشخاص بس ممكن زى منت مقلت بيوصل ويتحس
تحياتى واتكلم مع نفسك براحتك ولو حتى وصل الصراع لاوجته المهم انك عبرت عن الى جواك مع حد عمره ما هيخونك لو قدرت تخليه يحبك وانت اكيد اكتر واحد بيحبه
ربنا يكفينا واياكم شر النفس الاماره بالسوء

Selfmeaning said...

ايه يابنى انت كل مرة تكتب بوست
و بعد كده تختفى
و منعرفش عنك حاجة
ياريت تطلع بقه من فانوسك السحرى

Empress appy said...

طيب عادى ما كلنا كده انا بقى حالتى متاخره بكلم الدباديب بتاعتى ههههههههه
بس بشكى دايما لربنا

mohamed said...

Selfmeaning :
لا وصلت للمرحلة اللي بعدها كمان

أصل اللي حصل وبيحصل كتير

أنتي كنتي بتكلمي نفسك من غير ما تتكلمي
بس انا كنت بكلم فعلاً

تعرفي بقيت حاسس انه خلاص ممنوش فايدة

mohamed said...

نورا:
أنا بسرح فين دا ..
احلى حاجة انك مش فاهمة حاجة ..

خليكي في الأحزاب بتاعتك





آية:
وماله
انا شايف انه جوا أفضل

mohamed said...

أخر العنقود:
:)
هي صريحة زيادة عن اللزوم

سلامي لكل أل أبو زيد

mohamed said...

سيف:
بكلمها بس مش بترد يا خفيف

mohamed said...

إنسانة :
تعرفي يا أنسانة هو حل كويس

بس موضوع الورق والحريق دا مش بفضله

الورق ذنبة إيه مش هيستحمل اللي هيشيله

mohamed said...

دهاء سياسي:

متقلقيش كل شي تمااااااااااام

أقولك الفلسفة أحسن من الجنان

والجنان أحسن من العقل

mohamed said...

شيماء:
لا إله إلا الله

mohamed said...

Selfmeaning:
أنا أهو رجعت ارد على التعليقات من تاني

لو عيزاني اطلع من الفانوس بس أدعكيه
:)

mohamed said...

أبي:

أبي هانم عندنا
يا أهلاً بيكي بدباديبك بخرفانك

بس قوليلي محدش منهم مرة رد عليكي

only spot said...
This comment has been removed by the author.
only spot said...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

محمد رسول الله بس على ايه وعموما مبروك الجنان وانك وصلت اصل ده مش زمن بنى ادمين عاقلين بينى وبيننك ومتقلقش خالص ممكن تعمل رحله قريب للعباسيه ههههه انوى انت بس والله هتلاقى كتير هيزروك واكيد انا منهم وممكن يقيمو معاك لو عجبهم الحال ههههههه

تحياتى

safa7_karmooz said...

اهلااااااااااا

بص ده العادى

المهم مش تستمر على كده

:)

§a§a said...

سعات الانسان يكلم نفسه احسن ما يكلم مع اى انسان فى الدنيا كلها

بس دا بيحصل لكل انسان بيكون فى تفكير وضغوط كثيرة


تحياتى

Selfmeaning said...

و ليه دا كله

ليه تفضل عايش فى عالم لوحدك

حاول تخرج شوية منه

دور على صديق حقيقى و فضفض معاه

و ساعتها هتحس انك بدات تلاقى نفسك

من جديد

انا عارفة كمان ان المود بتاعنا بقى

يتغير عالطول كل يوم

عشان كده لازم تدور على حد

يبقى معاك عالطول

يسمعك و انت تسمع له

آيــة said...

الحمد لله
مش انا بس اللي بكلم نفسي :)

اللي بيكلم فسه عاقل جدا
و متزن جدا
و طبيعي جدا

اصل لو مش كلمنا نفسنا ..
و مش فضفضنا مع نفسنا

هنخاصمها مصلا ؟
هنسيبها بكآبتها او بألمها او بتعبها ؟؟

عن تجربة..

محدش ممكن يفهم حد اد نفسه و لا حد ممكن يطبطب على حد زي ما نفسه ممكن تعمله ..


بحس ان كلام الواحد مع نفسه فيه مصالحة .. فيه معاتبة ..خصوصية مش ممكن بشر أيا كان يوصلها ..


كلم نفسك ..براحتك ..هي نفسك .. حد شريكك ..

تحياتي )

سوووكا said...

انا بشتغل نفسي
محدش يشتغلني

Selfmeaning said...

استنيت بوست العيد

كل للاسف انت اتاخرت و كان لازم اقولك

كل سنة و انت طيب

و عالطول فى احسن صحة و حال

فلسطينية الهوى said...

كل سنة وانت طيب يامحمد

Anonymous said...

احلى شي بالدنيا انه الواحد يحكي مع حاله ..

على القليله اذا بهدل و صرخ ما حدا بقله عيب ..

و كل عام و انت بخير ..

Anonymous said...

عاوزك بس تنزل الشارع وتقف على اي محطة اتوبيسات .. قلي مين مش بيكلم نفسه! هتلاقي اشكال والوان يتكلموا مع نفسهم، في اللي صوته عالي ده بقى يبقى تعبان قوي!، وفي اللي بيبقى ساكت بس اما تبص في وشه تعرف ان في حوار حزين شغال جوه دماغه!!. عموما متقلقش كلنا كده..

صاحبة هدف said...

دومـــا ..حتى ولو جلست وحيدا..فأنت لا تحدث نفسك
ولو أضرب الكون أجمع عن سماع ما تقوله..يتبقى سامع واحد..لا يمل منك كما يمل الآخرون..غير عاجر كما يعجز الآخرون
( هــــو الله)
فانتبه لما تتحدثه مع نفسك لأنك لا تجلس وحدك..فالعظيم يستمع إليك

safa7_karmooz said...

جيت اكلمك عالموبايل النهاردة

قال : عفوا لقد اتنفخ رصيدكم

houda said...

awalan post jamil ou sa3at biykon afdal lilinssan ino ykalim nafso ou moch ykalim hadi tani ou ilfadfada ma3a nafs sa3at bitkon monasba 3achan niragi3 nafsina ou ni9dar nihil machakilna ou kaman ili bykhali lwahid ykalim nafso howa ino moch la9i had yfadfad lih sahih hawalina nass ktira bas moch ayi had nil9ah hanfadfad bas lazim ykon chakhsi mo3ayan binhisi ma3ah biraha ou y9dar yfhamna ou ichakhsi da 9alil gidan lama nil9ah
ou ilaham ino hadritak katib motamayiz macha llah ou moch hatla9i afdal min ilwara9a wi l9alam sada9ni lama tfadfad li sadi9in dol hatirtah 3al akhir ou itawator hayroh li wahdo kaman 3andak ilmodawana 9ol fiha koli li nifsak fih ou ihna mosta3din nicharkak
akhiran:ana awal mara azor modawantak bas inchalah moch hatkon akhir mara
tahiyati