اللبن ..
يعني البياض والنقاء ..
يعني الفطرة ..
يعني أول ما يدخل جوف ابن آدم بعد الخروج من رحم أمه..
ابيض ..نقي ..جميل .. مفيد ونافع ..صافي
مش هتلاقي اللبن كدا لواحده
هيكون جواه علبة كرتون
هيكون جوا وعاء نحاس.. ألمونيوم ..زجاج
أو حتى خشب
الوعاء اللي حاوية مش مهم
إنما المهم انه لبن وان الوعاء يكون مناسب ليه
ولو مش مناسب ممكن يتغير بسهوله
بس
ممكن يكون في حبة شوائب
الشوائب دي ممكن تقلل من قيمته ؟؟؟
معتقدش لأنها دخليه عليه
وممكن تتشال منه
بتكون فيه وجواه إنما مش بتختلط بمكوناته ولا تمتزج بيه
عشان كدا قيمة مش هتقل و يفضل زي ما هو
والشوائب دي ممكن تنتزع منه ..
ويبقي زي ما هو ...لبن حليب
إهداء لكل من لمست فيه النقاء
إهداء لدم أمتزج بدمي فمنحني الحياة
31 comments:
بسم الله
السلام عليكم
تدوينة جميلة ما شاء الله ..
أنا قعدت أفكر حيكون دلالة اللبن في الآخر ايه ..
بس النهاية جت شبة مفتوحة وأظن كانت أكتر من مناسبة للتدوينة :)
تحياتي
وعليكم السلام ورحمة الله وبركاتة:Maha
أنا قولت كل الدلات اللي عندي
يمكن علشان متعود علي الرمزية في كلامي ..أني أعرض أو القي ضوء بس مصرحش
وكمان لسه جديد في عالم المدونات ..كا مدون
بس انا حاسس ني قولت كتير اوي في البوست دا
راقت لي ملاحظة ان اللبن اول مايدخل جوف الانسان
:)
و اسمحيلي ان اضيف
ان من شوائب اللبن ما يقتل
فعالجه بما يناسب طبيعتك انت
لكي يطيب لك
أنا معاكي يا منة
من الشوائب ما يقتل
بس دا لو امتزجت بيه وبقوا قوام واحد مينفعش يتفصل
انا شايف ان من الافضل انتزعها احسن ما تقضي علي الحية وتقتل زي ما قولتي
السلام عليكم..حلو جدا اختيارك للاسم للمدونة , وحلو جدا وصفك للبن بأنه يمثل النقاء والطهارة والصفاء , عشان كده قلب الإنسان لازم يكون زي اللبن الحليب ابيض ونقي ..بس تفتكر الإنسان يقدر يعيش طوال حياته محافظ على البياض ده من غير مايعكره و وهنا نفرق كتير عن الشوائب , فالشوائب ممكن نشيلها , لكن العكارة صعب جدا نخلص منها
و الله تصوير جميل
اللبن اصلا صاحب اروع لون فى الوجود
قلم حر :
وعليكم السلام
انا معاكي ان لازم يكون قلب الانسان صافي ونقي
وبتكلم علي اللي اساس قلوبهم صافيه ونقية
ممكن يكون فيها شوائب تتشال
اما اللي اتعكر يبقي خلاصلونة اتغير
ومبقاش لبن
لا ابيض
ولا صافي
انا سعيد بزيارتك يا علا واتمني تعليقاتك وارائك تسنمر
فعلا يا خطاب اللبن صاحب اجمل لون في الوجود
وهو اللي طلع منه بقيت الالوان
اللبن :)
تدوين رائع بصراحة وفي تشبيه اللبن بالصفاء روعة غير عادية
:)
انا الصراحه كنت بحسب حضرتك بتتكلم على مشكله اللبن المغشوش
بس بجد البوست جميل اوى وبيوصف حال قلوب البشر
بس للاسف قليل اوى اليومين دووول لما نلاقى اللون الابيض الى زى اللبن
لافى الحقيقه ولا فى عالم الرموز
اشكرك:Anonymous
واتمني تمر علي طول علي البلوج وتترك توقيع ليك في المرة القادمة
عاشقة الرحمن: سعيد لوصفك البوست بانه جميل
انا كنت بتكلم علي الاشخاص نفسهم مش قلوبهم بس والقلب جزي منهم
ودول في منهم كتير جداً بس مش بندور عليهم هما حولينا بس مش شيفنهم ولا حاسين بيهم
بنبص للوحش وبس
يمكن كمان في منهم اللي اصفي وانقي من اللبن
المشكلة في اللي يفهم ويقدرهم
السلام عليكم
مش هقول جميلة ما شاء الله لان كله قال قبلي
وبجد هي رقيقة اوي
لكن اجمل ان الانسان يحس بقلبه نقاء الناس اللي حواليه وصفاءهم ويعبر عن دا كمان
ويعبر بتعبير نقي زي اللبن
صحيح انا اول ما دخلت كنت فاكرة حضرتك هتناقش قضية اقتصادية مش عارفه ليه
تعرفوا كمان الشوائب اللي في اللبن بتصفي نفسها بنفسها
زي القلب لابيض لما يقعد يحايل في نفسه عشان ميبقاش شايل او زعلان من حد
بجد الفكرة حلوة والتعبير أحلي
بارك الله تعالي فيكم استاذ محمد
:):):)
سلام الله عليكم
الموضوع جميل جدا
بس أكثر جملة أثرت فيا وأدمعت عيناي :
( إهداء لكل من لمست فيه النقاء
إهداء لدم أمتزج بدمي فمنحني الحياة )
فعلا بجد أجمل حاجة في الوجود .. إن انسان يتبرع لانسان تاني بدمه عشان ينقذ حياته
وفاء رائع أنك تحس أنه لولا دمهم .. مكنتش هبقى عايش لحد دلوقتي
إن دمهم بيمشي في شرايينك واهبا لك الحياة .. يحسسك بمدى صفاء أرواحهم
فعلا قلوبهم قلوبهم بنقاء اللبن
لآنهم اتبرعوا بجزء منهم لشخص غريب عنهم
مش غريب بمعنى أنهم ميعرفهوش بس كيان آخر وجسد آخر
والآخرون اللي بتشكرهم أكيد فيهم ناس متعرفهمش .. بس دمهم في شرايينك ودي أكبر معرفة .
ربنا يكرمهم جميعا يارب ويجزيهم خيرا عنك
ويكرم كل إنسان بيتبرع بدمه لانسان تاني
والحمد لله على سلامتك يا محمد واستمرارية وجودك بيننا حتى اللحظة
ولا أراك الله سوءا مرةأخرى
تدوينة رائعة ومؤثرة بحق
:)
كنت متخيلة من البداية ان حضرتك بتتكلم على ناس معينة وقفوا في حياتك و لمست منهم النقاء الي بتشوفه في اللبن
:)
ربنا يبارك فيهم... الاسامي الي حضرتك كتبتها في الاخر.. و غيرها كتير
فعلاً بحسهم انقى من اللبن حتى
:)
عجبتني اما حضرتك قلت ان لو فيه حتى شوائب مش بتنقص من اللبن و نقائه في شئ
:)
ربنا يبارك لحضرتك في قلمك
وعليكم السلام :hoor
جميل انك غيرتي وقلولتي شئ تاني
بس مش عارف ليه كل الناس متصورة اني لازم اكتب عن السياسة والمصايب والمشاكل والاقتصاد
مينفعش اغير واكتب عن جوتب مشرقة من حياتي
ربنا يعزك يا حور وسعيد بتعليقك
......
آية: شكراً يا آية
ممممممممممممممم
انتي فهمتي الاهداء غلط شوية
يعني وانا بعيد قراءة اللي كتبة مع كل سطر كان بيمر ادامي شخصيات في حياتي
في نقاء اللبن
وكل سطر في الاهداء بيعبر عن شئ معين غير التاني
المجاهدة :تمام هو دا فعلا اللي اقصده
بارك الله فيهم وفيكي
يمكن هو دا اللي كنت بفكر فيه ومؤمن دي
دي مهم هما ومش جواهم
انما حويلهم
واكيد جوا حياة كل منا اكتر من مثال علي دا
خاطره جميله جدا
احساسها عالى اوى وصادق
أشكرك علي المرور :Anonymous
والتعليق علي الخاطرة
اللهم اجعل أعمالنا كلها خالصة لوجهك الكريم
اللهم طهر قلوبنا من النفاق و أعمالنا من الرياء و ألسنتنا من الكذب و أعيينا من الخيانة ...
اللهم أغسلنا من خطايانا بالماء و الثلج و البرد
و صباحكم زي اللبن الحليب :)
انا عموما مش بحب اللبن ..
لا انا بهزر ..
بس فعلا البوست جميل اوى .. يا جوال
السلام عليكم
تدوينة جميلة .. قرأتها من فترة ولكن لم أستطع أن أعلق عليها
جميل كلامك
فعلا في وجه شبه كبير والأخوة والأخوات ذكروا كثيرا منها
ولكن لدي وجه شبه .. وهو أن سكب اللبن بالإرادة الحرة ذنب كبير
كذلك البشر
بجد عجبني اوي تشبيه اللبن انا كنت بقول ان احد اسباب السعادة انك تخلي قلبك ابيض ناحية الناس
تسيبهم لربنا وتفرض حسن النية ليهم وتعيش حياتك مطمئن طيب القلب :)
يارب ارزقنا طهارة القلب
ربنا يباركلك يا جوال ,,
ويرزقك قلب ابيض كبياض اللبن ,,
تدوينة رائعة بجد .
جزاك الله خيرا .
ممكن اقول ان البوست ده عبقري بجد .. ربنا يكرمك .. ابتكار جذاب جدا في التشبيه
cleopatra89
شهيده:شكراً لمرورك
محمد : مش بتحب اللبن علشان كدا دايما وشك أسفر وعدمان
لا يبني اتبقي اشرب لبن
وضاح : وعليكم السلام ورحمة الله وبركاتة
ربنا يصلح لنا جميعاً الحال
:)
فلونا :في فرق ان الواحد يكون قبله صافي تجاه اللي حوليه
وبين انه يعتبر الزفت والقطران لبن
علي : ربن يعزك ويبارك فيك :)
كليوبترا :متشكر جداً يا كليوبترا علي تعليقك دا
وسعيد ان البوست عجبك
كلمات بسيطة جميلة
ربنا يكرمك
Arabian GiRl
شكراً ليكي
وجزاك الله خيرا علي المرور
السلام عليكم
بوست جميل جداا
انت متمكن جداا من استخدامك للغة
ماشاء الله
وفعلا اللبن كان اختيار موفق ليك بيدى ايحاء بالنقاء والطهارة
بجد ربنا يوفقك
فى انتظار المزيد
Hadeer
هديير ربنا يكرمك
هو الموضوع مش تمكن اد ما هو خاطرة تجاه ناس كنت بعبر عنها
وبعدين دا يجي ايه في اللي بتكتبية ربنا يبارك ليكي في قلمك وفكرك
ويسعدني تعليق دوما علي كتاباتي
السلام عليكم ورحمه الله وبركاته
بسم الله ماشاء الله
كلمات في منتهى الروعه
والاروع من ده كله ان القلوب تكون في
نفس نقاوه وصفاء هذا اللبن
وعليكم السلام ورحمة الله وبركاته
شكراً يا مروه علي تعليقك
واتمني تزروي البلوج عندي علي طول
Post a Comment