وأنا مروح جيت أعدي جامعة الدول لقيت بنوته صغير واقفه عايزة تعدي هي كمان عند اخر جامعة الدول كدا من ناحية سفنكس ..
فلقتها بصتلي وضحكت ضحة عسولة أوي وبتقولي أنت خايف تعدي السكة ياعمو ..هات ايدك أعديك ..
وأنتم عارفني عمري ما أقلق من تعدية الشارع ولا العربيات خااااااالص يعني
قولتها طيب يلا بينا .. ومسكت هي أيدي "قال إيه بتعديني "
الحمد لله ربنا ستر وعدينا
فبتقولي ايه بقى ..
كل يوم في المعاد دا تعالى أعديك السكة معايا بس الجمعة والسبت مش هتلاقيني لأنهم أجازة ..
قولتها طيب الحمد لله الواحد ضمن حد يعديه مكنتش عارف أعمل ايه في المشكلة دي..
المهم هي لفت وهي بتقولي "باي بقى " وكملت طريقها
بعد كدا قولت دي عليها عسولة أوي بس معرفتش أسمها إيه
..
جميلة أوي الحياة لو كانت كل مشاكلنا أني أعدي طريق الشارع وسط العربيات أزي ..
وأن مشاكلنا تبقي هي مشاكل الاطفال أو زيها .. ونتعامل معاها بنفس منطقهم وتعاملهم
أعتقد أن الأطفال دول شكلهم عندهم مشكله غير تعدية الطريق من العربيات
أو مشكله غير أنهم هيركبوا ايه وهما مروحين ولا هيروحا أزاي ..
وفي النهاية أسمهم أطفال ..
وممكن نتعامل من نفس منطقهم برضه
بس دا لو حسينا بالمشكلة بنفس أحساسهم بيها
...
25 comments:
بنت صغيرة برئية ..
متعرفش لسة حاجة .. الدنيا عندها لسة صفحة بيضة
ومتعرفش ايه اللى بيحصل للى زيها فى فلسطين
الاطفال عندهم نقاء عالى اوى
وممكن نتعامل من نفس منطقهم برضه
بس دا لو حسينا بالمشكلة بنفس أحساسهم بيها
يمكن الجملة ديه بتشرحلي انا مواقف كتيير انا واخداها ومش عارفة انا وخداها ليه
بعيدا عن الاطفال ؛ الفكرة انك عشان تدعم اي شخص او قضية لازم الاحساس يكون فعلا متساوي
ينكن عشان كده بتعاطف مع حاجات كتيير بس عمري ما اعلنت تضامني معاها بسبب الجملة ديه
تحفة يامحمد
طبعا انت متخيل انا لو كنت مطرحك كنت عملت ايه مع البنوتة ..مش كنت سبتها
نفسي فعلا نرجع لمشاكل الاطفال او على الاقل نتعامل مع مشاكلنا بطريقتهم ..بس المشكلة أننا لو حتى قررنا نبقى أطفال ونتعامل بطريقتهم في حياتنا ...الكبار مش هيقدروا أننا أطفال وهيقولوا كبار ...حتى الطفولة اصبحنا محرومين منها
خلاص يا عم
ولا تزعل عندى انا الجمعه والسبت
هى البنت هتاخد 5 ايام
وانا هجيب العجله بتاعتى واخد يومين
يلا
نشارك فى الحمله القوميه لتعديه رجال مصر
ما شاء الله على العسل
أنا بموت في الأطفال .. و في فطرتهم النقية التي لم تلوث بعد
على فكرة أنا من رأي مفروض نحترم الأطفال و طريقة تفكيرهم و عقليتهم
و يمكن يطلعوا أفكار و حاجات جميلة مبقتش تطلع مننا إحنا يا كبار :)
و أكتر دليل على كده إن الرسول صلى الله عليه و سلم دعا سيدنا علي (7 سنين تقريبا ) للإسلام
ربنا يبارك فيك يا محمد على البوست الجميل ده
بجد حتى الى بتعديك الشارع طفله مش طفل
انت جمس بوند ولا ايه
:D
ساعات كتير بتعامل مع المشكلة زي الاطفال
لان طريقة تفكيرهم سهله جدا
:) انا بقيت عامله كده بعد ما قريت
ٍسبحان الله وأطفال آخرين شابوا قبل الأوان
عالم الاطفال ده عسل اوي و مشكلاته كلها لذيذه ياريت يكون مشاكلنا زيها
تحياتي و متقلقش من تعدية الشارع فرنسا هانم حلتهالك
المشاط كان بيترجم غلط يا حمادة :p
انا نسيت صحيح انك متعقد من العربيات :p
جميلة اوى
انا بموت فى الاطفال
اللى هم اطفال بجد مش اللى بيطلعوا فى كليبات شبه كليبات شعبان عبد الرحيم ويلبسوا حاجات اكبر من سنهم ويقولوا كلام اكبر من سنهم
.....
.....
اما عن مشكلة اطفال غزة غزة
فلا يسعنى اللا الدعاء لهم بان ربنا يكون فى عونهم ويفرج كربهم
ويرحمهم من اسرائيل
ويجعل مسوى كل الاطفال الشهداء الجنة هم واسرهم يارب العالمين
امين
قتلوا طفولتهم , ياااه دى الطفولة دى احسن مرحلة , صعب اوى إنها تتقتل , مافيش بإيدينا إلا اننا ندعى لهم
بالنسبة للبنوتة الاولانية
بجد لازم متسبهاش
روحلها كل يوم تعديك
:)
عسولة اوى ما شاء الله عليها
اما باقى الاطفال بئا
ربنا كبير
ربنا يفرج عنهم ان شاء الله
السلام عليكم ورحمة الله وبركاته..،
البراءة هي السبب في إننا وإحنا صغيرين كان نفسنا نكبر عشان نشوف الدنيا اللي كانت بعنينا جميلة أوي
وإزاي بابا كان بيلف الدنيا من غير ما يتوه فكنت بحس إنه قوي، وهو قوي عشان هو كبير
خلاص يبقى نفسي أكبر زيه
طلعت القوة مش إننا نلف الدنيا
ولا إننا نطول فوق الدولاب من غير مانقف فوق الكرسي
طلعت الدنيا لها معايير تانية خالص
غير ما كنا نتصور وإحنا صغيرين ببراءتنا الساذجة
بجيت حبيت البنت العسولة دي من غير ماشوفها وكان نفسي أكون مكانك
وياري يرزقني أنا وخطيبتي لما نتجوز إن شاء الله ببنت عسوووولة كده
=====================================
بالنسبة للصور فعلا الصورة تغني عن ألف كلمة
والله في فلسطين أطفال أرجل من رجال بلغوا الأربعين وأنا شخصيا لما أشوف صور زي دي بتكسف من نفسي
وبقول مشاكل إيه اللي انا فيها
أومال هما يقولوا إيه
ربنا يقدرنا نساعدهم بكل حاجة نقدر عليها
==================================
مع إن بوست صغير بس القصة اللي في الأول دي شدتني جدا فوق ما تتصور
من أحلى البوستات اللي قرأتها في الفترة الأخير
تدوينة مؤثرة جداً
وكلام حضرتك مس لدي جراح الألم
أسأل الله أن يفرج كرب المسلمين وأن ينصرهم نصر عزيز مقتدر
الاطفال احباب الله
أخشى أن تكبر الفتاة .. ولا زالت الفتاة هناك أسيرة
مهما كانت الظروف اللى حواليهم
لسه فى عيونهم نظرة البراءة
رحنا فين تانى :)
كل شوية بقى هندخل نقول بتروح فين ؟؟؟؟؟؟؟؟؟؟؟؟؟؟؟ ( وش متنرفز ) , لعل المانع خيرررررررررررر
كويس انه ليسى براءة الاطفال موجوده اصل اغلب اطفال اليومين دول شرسين
وربنا يحفظ اطفال فلسطين ويجعلهم نصرة لبلدهم ودينهم
بوست لذيذ جداااا
المشكلة بجد أن مشاكلنا بتكبر معانا
يعني كل واحد حسب عمره بقى
Post a Comment