بين فوق وتحت لحظة أو موقف وبعدها بندخل في حاله أو نخرج منها ..
بس الدخول عادة بيكون سهل وسريع عكس الخروج لازم يكون مراحل وبيكون صعب إلي حد ما ..
لأنه غالباً بيكون تراكم لأشياء كتير ممكن تكون صغيرة بس مع كترها بيكون السقوط سريع وقوي .. ومؤثر
سواء كان السبب النهائي صادم وغير متوقع أو كان منتظر من زمن بس بنتجاهل حقيقته لمجرد إننا مش عايزين نصدق ..
في اللحظة دي بيكون في وقت لقرار لازم ناخده مع نفسنا لو مخدنهواش خسراتنا هتتضاعف وتفضل تتضاعف لحد أما نفوق تاني ..
المهم نكون مدركين دا ويكون عندنا الرغبة والقدرة لأتخاذ القرار الصح والمناسب لينا في نفس الوقت ..
ساعتها هتقدر تحافظ علي نفسك ..
تخلص من محركات نفسك السلبية .. ووصل التحليق عالياً
12 comments:
تخلص من سيلبياتك و حلق بعيدا
جامد اوى
ان شاء الله
انسف حمامك القديم واشتري ليسيكو
7elwa awee ya mohamed
yona :
منورة البلوج والله
بالنسة لرأيك انا فكرت في الموضوع دا بس مأجله للاخر شوية .. انتي عارفة المصاريف والحاجات دي
مرسي لتعليقك :)
حنان :
مرسي ليكي .. يارب اشوفك في البلوج بتاعك وبتعلقي عندي دايماً
منورة :D
سيف :
تعليقاتك بتملأني حبوراً
سلوى :
المهم نكون عايزين ونتوكل علي الله
كلامك مظبوط فعلا
احلى حاجة بتعجبني انك ماشاء الله
بتقدر تعبر عن حالات كتير جوانا بابسط الكلمات
يعنى فعلا خير الكلام ماقل ودل
بوست اكثر من رائع وقمة فى الواقعية
ربنا يكرمك يارب
ونقدر نطبق ده فى وقت ما نكون فى الموقف
تحياتى ليك
تصور...أول مرة أقرأ لك بوست وابقى مش عارفة أقول ايه حاجة
البوست عجبنى جدا ، بس يمكن لاني بمر بكل كلمة فيه ، مش قادرة أفكر حتى في رد عليه
بس أكيد في يوم لازم ناخد قرار قبل فوات الأوان
فعلا وهنا تكمن قوة الشخصية فى قوة الارادة
أدعوك لزيارة موضوعى"حنين لاواخر الشتا"
انا عندى استعداد اطير
بس مش بعرف
هحاول
اكيد فى مرة هتظبط
حاضر ان شاء الله احاول
:)
مش عارفه
انا ساعات من كتر ما بفكر بالمنطق ده بتعب
لان كتير مع اول حاجة صغيرة تعارض اى حاجة انا ماشيه فيها اقول "مايمك دى بدايه العلامات اللى بتقولك انك لازم تلحقى نفسك..ولازم تاخدى قرار..و ان انتى شايفه الحاجة دى حلوة بس عشان انتى مغمضه عينيكى عن عيوبها" الخ الخ الخ لحد مابقى فعلا مش واثقة فى اى حاجة
يوووووووووه..قلبت المواجع
Post a Comment